هتشرح بالفديو وترفع لنا بكل سهولة

السلام عليكم ورحمة الله

طيب ايه رايكوا انهاردة بقى انا قولت هنشرح بالفديو وهنقدر نشارك

بيه كل الاخوة بكل سهولة

طيب حد هيقولى ياسندباد النت بيكون بطئ والفديو مساحته كبيرة

هقولكم مش مشكلة لاننا هنشرح بالفديو ببرنامج رائع بيحفظ بصيغة avi

وكمان هنتعلم الضغط ببرنامج الون رار

بحيث ينزل مشاحة الفديو على سبيل المثال ودا عن تجربة وهتشوفوا

من 4.37 ميجا بعد الضغط هيكون فقط

231 كيلو بايت ومحدش يدعك فى عينه

ايه رايكوا بقى مش تمام لحد كدا قولوا تمام فى

ايه متبخلوش عليا بالدعاء الله يخليكوا

طيب دا عن البرنامج اللى لسه مشفنهوش طيب الرفع بكل سهولة ازاى هقول لكم

انا كنت شرحت فى الموضوع دا ازى ترفع ملفاتك على 13 سرفر ودا شئ سهل

هتلاقوه فى الموضوع دا

كيف ترفع ملفاتك على اككثر من 13 سرفر

طيب ايه الجديد

اصبروا بس عليا المواقع دى رغم انها فعلا رائعة وكتير جدا طبعا لا غنى عنها

لانها بتلبى حاجات كل المستخدمين واللى بيحب موقع ينزل من عليه

الا انها فى النهاية لها مدة معينة والملف بيتشال منها طيب والحل

برضه موجود وكنت شرحته على موقع الفور شيرد

كيف ترفع على النت

عارف هتلاقى العجى بيقولى ايه ياعم كل دا ما احنا عارفينه فين الجديد اخلص زهقتنى معاك

هقوله الجديد يا عبده هتشوفه على الموقع دا واللى بعتبره من افضل مواقع

الرفع ولانه الافضل مش بيدى مساحة كبيرة مجانيه

كل اللى بيديه فقط 200 ميجا بس بتوعك يعنى مش هيروح اللى عليه هتقولى

طيب يا ناصح لما يخلصوا هقولك اعمل اكونت جديد وخدلك 200 ميجا تانى

ايه المشكلة قول مفيش مشكلة وفكها ياحج

طيب فين الموقع هقول لكم الموقع اهو واحد يقولى ياعم استنى انت

هتجيب موقع الرفع قبل الشرح بتاع الفديو هقولكم ايوة لانه

عايز شغل علشان نشرح ازاى نعمل عليه اكونت ونرفع عليه

بدايه انت هتدخل على الموقع دا

سبحان الله

طبعا كلنا عارفينه

وهتحمل الشرح بالفديو دا منى

سبحان الله

الحمد لله

دلوقتى بقى الشرح الاخير اللى عملته طلع كبير بشكل عارفين كام

12 ميجا يانهار مش معدى هيتحملوا امتى دول وهيترفعوا فى قد ايه

اطمن باوسيد انا شايفك مشمر وهتشرح لنا السندوتش ماكس

متخفش تعالى حمل الشرح دا ازى اضغط الفديو ببنرماج الون رار

واخليه مساحته قليله ولما يتحمل ويتفك الضغط عنه هتلاقيه بقى مساحته رجعت زى ما هيا

وتعالوا نتأكد من الشرح مش كلام

طيب نتأكد ازاى انه هيرجع زى ما كان اقول لكم

طبعا شوفتوا المساحة بقت كام صحيح لسه محملتوش طيب اقول لكم بقت المساحة من 12 ميجا الى

315 كيلوا بايت ولما فكينها بقت 12 ميجا شوفتوا الرواقة والحلاوة

واتأكدوا بنفسكوا وادى الشرح ازاى تضغط الفديو بالون رار ويكون مساحته صغيرة

ايه بانى دا انت جبوك منين يابوتريكة

( طبعا اللى شاف الفديو بتاع ابنى وابو تريكه هيعرف معنى كلامى )

علشان محدش يفهم غلط المهم نخش على التحميل

لا اله الا الله

وجارى شرح وتحميل البرنامج اللى هنستخدمه فى شروحاتنا ان شاء الله

وهنشوف كل حاجة فى الشرح ولكن بععععععععععد الفاصل

السلام عليكم ورحمة الله

ورجعنا لكم بعد الفاصل

دلوقتى جه ميعاد برنامج اللى هيعمل لنا الشرح زى ما شوفناه فى المشاركة الاولى

طيب نحمل البرنامج الاول من هنا

بس بأكد بالله عليكوا لا تنسونى من صالح دعائكم

البرنامج

camstudio

سبحان الله

دلوقتى نشوف شرح البرنامج

وقبل ما نشوفه بالفديو نشوف صورة البرنامج



طيب ازاى بقى نشتغل عليه بعد ما نزلناه وسطبناه

وشرح التسطيب امر سهل جدا اديها next لحد ما يخلص ويديلك ايكونة على سطح المكتب هتشغل منها

لحد كدا تمام

تعالوا بقى نعمل شرح بالفديو ونشوف هنشتغل ازاى

زى ما انتوا شايفين دا البرنامج تمام وانا كد شغال عليه

طيب انا مش عايز الايكونة دى تظهر وانا بشتغل ايه العمل هقول لكم بس

تحملوا الفديو الاول بتاع الجزء دا ونشوف هنشتغل ازاى

وقبل كدا نشوف كدا انا وقفت البرنامج ورجعت شغلته خلاص بس لو عايز بقى افصل نهائى واشوف الشرح

طيب انتوا مستغربين للكلام بس هتشوفوه فى الفديو اللى هتحملوه دا

الحمد لله

طيب كدا الموضوع ماشى تمام انا عايز لما اشرح البرنامج ميكونش ظاهر على الشاشة زى كدا

هقول لكم الحل كل اللى عليك انك لما تفتح البرنامج هتعمل له تصغير وطبعا كلنا عارفين ازاى

وهتشوفوا فى الفديو اللى جاى وبعدين عندك زرارين مهمين جدا هما f8 ودا بيوقف الشرح

عند حد معين بيحمل حاجة

وهترجع تكمل ولما تبداء تانى هتدوس على f8 وتكمل وبكدا مش هيكون ظاهر

عندك على الشاشة بس موجود فى البار اللى تحت مش مشكلة المهم الزرار التانى اللى تقدر

تنهى منه البرنامج من غير ما تدوس على ايكونة البرنامج جنب الساعة وتقوله stop

والناس كلها تشوف الكلام دا فى الشرح لا انت اللى عليك لما تنهى الشرح هتدوس على f9

وهو هيخرج ويديلك مكان حفظ الفديو بتاعك وتحفظه وتضغطه وترفعه ز ما شوفنا فى المشاركة اللى فوق

تعالوا بقى بعد الرغى دا كله نطبق الكلام دا

كدا انا شغلت البرنامج وعملت له تصغير حضرتك هتعمل تصغير قبل ما تبداء الشرح بتاعك تمام كدا

طيب انا هوقف لحد هنا وهدوس على f8 وهدوس تانى على نفس الزرار علشان نكمل الشرح بتعنا

لحد كدا تمام حد عايز منى حاجة قبل ما اقفل طيب

f9 وعليكم السلام

طبعا دلوقتى تحملوا الفديو بتاع الكلام اللى اناعمال ارغى فيه دا وهتلقوه موجود فى الفديو

لا اله الا الله

دلوقتى بقى بالنسبة للبرنامج فيه خيارين فى الشرح انتوا شايفين انى شغال على كل الشاشة

واول مرحظة هتجيلى على جهازى عارف من العجى هيقولى بعد ما يعدل نظارته

يا حبيبى نسختك مش اصليه وانا شارى نسخه اصليه ملهاش حل وبتعمل تحديثات من النت طلقه

هقوله يا حبيبى والله اصليه بس اخوك غاوى برامج مش مشاكل وجربت برنامج ضرب لى سريل النسخة ومكسل اعدلها باب النجار بقى

المهم فى ناس هتقولى انت شغال على كل الشاشة يعنى fullscreen فول بالأسكرين الحار

طبعا طيب لو عايز اشرح على مساحة انا اللى اختارها بنفسى علشان اقلل من المساحة هقولك سهلة برضه

انت هتروح على البرنامج تمام قول تمام وشوف الصورة ازاى اقدر انى اخصص مساحة للعمل داخل البرنامج مش كامل الشاشة



طيب لو عايز كامل الشاشة اعمل ايه شوف الصورة



لحد كدا انا عملت اللى عليا وفاضل اللى عليكوا

بالله عليكوا انا تعبت جدا فى الشرح وعايز اشوف شغلكوا علشان افرح بيه

وبجد لا تنسونى من اصلح دعايكم

وبالله عليكوا تدعوا لوالدى لانه مريض

ربنا يتمم شفاه على خير يارب

يالا حد عايز حاجة قبل f9

مستنى اشوف شغلكوا بالبرنامج وعلى موقع الرفع

انا عايز الردود بقى والشغل ايه نار يدفى الشتا اللى احنا فيه دا